வெங்கட்பிரபுவின் அடுத்த படத்திலும் 'சரக்கு'தான்
வெங்கட்பிரபு, எம்.ராஜேஷ் போன்ற இயக்குனர்களால் சரக்கு இல்லாமல் படம் எடுக்கவே முடியாது போல. படத்தின் காட்சிகளில் தான் சரக்கு என்றால் இப்போது டைட்டிலிலும் சரக்கை கொண்டு வந்துவிட்டாரகள்
ஜூலை 1 முதல் ஜிஎஸ்டி அமலுக்கு வருவதால் இனி தமிழில் டைட்டில் வைக்க வேண்டும் என்ற அவசியம் இல்லை. எப்படி டைட்டில் வச்சாலும் 28% வரி கட்டியே தீர வேண்டும். எனவே இனிமேல் அடிக்கடி ஆங்கில டைட்டில்கள் வரலாம் என்று எதிர்பார்த்த நிலையில் வெங்கட்பிரபு அதற்கு போணி செய்துவிட்டார்
ஆம், வெங்கட்பிரபுவின் அடுத்த படத்தின் டைட்டில் 'பார்ட்டி' படத்தின் பர்ஸ்ட்லுக்கிலேயே வரிசையாக பாட்டிலை நிறுத்தி வைத்துள்ளார் இயக்குனர். அம்மா கிரியேஷன்ஸ் சார்பில் டி.சிவா தயாரிக்கும் இப்படத்தில் சத்யராஜ், ஜெயராம், நாசர், சம்பத், ஜெய், சிவா, கயல் சந்திரன், ரம்யா கிருஷ்ணன், ரெஜினா, சஞ்சிதா ஷெட்டி, நிவேதா பெத்துராஜ் உள்ளிட்டோர் நடிக்கவுள்ளனர். இந்த படத்திற்கு பிரேம்ஜி இசையமைக்கவுள்ளார்.
