வியாழன், 28 மார்ச் 2024
  1. பொழுதுபோக்கு
  2. சினிமா
  3. சினிமா செய்தி
Written By Sasikala
Last Modified: திங்கள், 20 பிப்ரவரி 2017 (16:50 IST)

வடிவேலுடன் கருத்து வேறுபாடு... படமே வேண்டாம் என்று நடையை கட்டிய இயக்குனர்

நடித்த படமெல்லாம் தோல்வியடைய, துவண்டு போயிருந்த ஹீரோ சந்தானத்தின் மார்க்கெட்டில் மாவிளக்கு ஏற்றியவர் லொள்ளு சபா ராம்பாலா. சந்தானம் தொலைக்காட்சியில் அறிமுகமான லொள்ளு சபாவின் இயக்குனரான இவர் இயக்கிய தில்லுக்கு துட்டு சந்தானத்துக்கு முதல் வெற்றிப் படமாக அமைந்தது.

 
ராம்பாலா அடுத்து ஜீ.வி.பிரகாஷ் நடிக்கும் படத்தை இயக்க ஒப்பந்தமானார். கூடவே வடிவேலுவையும் ஒப்பந்தம் செய்தனர். சந்தானத்தின் ஆஸ்தான இயக்குனரோடு வடிவேலுக்கு எப்படி ஒத்து போகும்? இருவருக்குமிடையே கசமுசா. படமே  வேண்டாம்பா என்று அந்த புராஜெக்டிலிருந்தே விலகியுள்ளார் ராம்பாலா.
 
இப்போது வேறு இயக்குனரை வலைபோட்டு தேடி வருகிறார், இந்தப் படத்தை தயாரிப்பதாக இருந்த ஸ்டீபன்.