வெள்ளி, 29 மார்ச் 2024
  1. பொழுதுபோக்கு
  2. சினிமா
  3. சினிமா செய்தி
Written By cauveri manickam
Last Modified: சனி, 18 நவம்பர் 2017 (15:07 IST)

ஹார்வர்ட் தமிழ் இருக்கைக்கு ரஜினி காசு தருவாரா?

ஹார்வர்ட் தமிழ் இருக்கைக்கு ரஜினி காசு தருவாரா என்ற கேள்வி எழுந்துள்ளது.





அமெரிக்காவில் உள்ள புகழ்பெற்ற ஹார்வர்ட் பல்கலைக் கழகத்தில், தமிழ் இருக்கை அமைக்க பல ஆண்டுகளாகவே அறிஞர்கள் முயற்சி செய்து வருகின்றனர். அங்கு தமிழ் இருக்கை அமைய 6 மில்லியன் டாலர்கள் தேவைப்படும். இதற்காக தமிழக அரசு 1.5 மில்லியன் டாலர் வழங்கியுள்ளது.

அத்துடன், உலகம் முழுவதும் உள்ள தமிழர்களிடம் இருந்தும் நிதி பெறப்பட்டு வருகிறது. நடிகர் சங்க செயலாளரும், தயாரிப்பாளர்கள் சங்கத் தலைவருமான விஷால், 10 லட்ச ரூபாய் அளித்துள்ளார். கமல்ஹாசன் 20 லட்ச ரூபாய் அளித்துள்ளார்.

இந்நிலையில், ரஜினிகாந்த் ஹார்வர்ட் தமிழ் இருக்கைக்காக காசு தருவாரா என்ற கேள்வி எழுந்துள்ளது. ‘என் ஒரு துளி வியர்வைக்கு ஒரு பவுன் தங்க காசு கொடுத்தது தமிழல்லவா...’ என்று பாடியவர் ரஜினி. அதில் கொஞ்சமாவது திருப்பிக் கொடுப்பாரா? என்ற கேள்வி எழுந்துள்ளது.