சுவை மிகுந்த சிக்கன் சூப்

சுவை மிகுந்த சிக்கன் சூப்

தேவையான பொருட்கள்:

எலும்புடன் கூடிய சிக்கன் துண்டுகள் - 1/4 கிலோ

நல்லெண்ணெய் - 3 ஸ்பூன்

சின்ன வெங்காயம் - 1 கப்

தக்காளி - 2

மிளகாய்த்தூள் - 1/2 ஸ்பூன்

மஞ்சள்தூள் - 1/4 ஸ்பூன்

பூண்டு - 10 பல்

கொத்தமல்லித் தழை - சிறிதளவு

கறிவேப்பிலை - 1 கீற்று

உப்பு - தேவையான அளவு

வறுத்து பொடி செய்ய:

மிளகு - 1 டீஸ்பூன்

சீரகம் - 1/2 டீஸ்பூன்

சோம்பு - 1/4 டீஸ்பூன்

தனியா - 1/2 டீஸ்பூன்

காய்ந்த மிளகாய் - 2

செய்முறை:

வாணலியில் பொடித்த மிளகு, சீரகம், சோம்பு, தனியா, காய்ந்த மிளகாய் சேர்த்து எண்ணெய் விடாமல் சிறிது நேரம் வறுத்து பொடி செய்யவும். பூண்டை தட்டி வைக்கவும். குக்கரில் எண்ணெய் சேர்த்து சிக்கனை லேசாக வதக்கவும்.

இத்துடன் கறிவேப்பிலை, வெங்காயம், தக்காளி, மிளகாய்த்தூள், மஞ்சள்தூள், தட்டிய பூண்டு சேர்த்து வதக்கவும்.  சூப்பிற்க்கு தேவையான அளவு தண்ணீர், உப்பு சேர்த்து சிக்கனை 2 விசில் வரை வேக வைக்கவும். சிக்கன் வெந்ததும் அரைத்து வைத்திருக்கும் பொடியைச் சேர்த்து இரண்டு நிமிடம் கொதிக்கவிட்டு அடுப்பிலிருந்து இறக்கி கொத்தமல்லித்தழை தூவவும். சிக்கன் சூப் ரெடி.